香港迪士尼2016年發佈嘅Tomorrowland 改造計劃, 將馳車天地改建成一個以Avengers 為主題嘅設施, 連結旁邊已建成嘅Iron Man Experience 同Nano Battle, 成為一個Marvel 園區.
從Concept Rendering 上可見到Quinjet 停泊喺平台上, 後方有一座好高嘅建築物, 如傳聞屬實, 呢度就係同加州迪士尼共同合作設計嘅計畫. (請參考返過去幾日嘅分享.)
但即使唔理呢度起咩設施, 概念圖中所顯示嘅Avengers 建築物喺香港迪士尼都係一個革命性嘅設計. 建築物唔計地面都有兩層平台, 建築物最後最高處同Iron Man Experience 平排, 而中段平台伸展到去依家馳車天地嘅天橋位置.
香港迪士尼早期規劃將樂園鐵路定於開幕狀態嘅「邊緣」, 但當樂園繼續發展時, 鐵路就變成設於樂園中間. 令到之後嘅園區規劃必須遷就鐵路位置, 最多都只係開個出入口隧道俾人通過.
而呢座Avengers 嘅建築物, 打破樂園鐵路存在嘅限制, 橫跨園內最複雜嘅一段鐵路, 將會係香港迪士尼首個建於鐵路上面嘅複合式建築物. 雖然外國Disney Parks 呢種錯綜複雜嘅設施規劃係好常見, 但香港就真係冇一個代表作.
所以本來係一個好正嘅設計, 直至傳出香港迪士尼退出呢個計劃.....
Search